Fjölbrautaskóli Snæfellinga auglýsir eftir aðstoðarskólameistara í 50% stöðu frá og með        1. ágúst 2026. 

Aðstoðarskólameistari er staðgengill skólameistara og nánasti samstarfsaðili hans í daglegri stjórnun, stefnumótun og þróun skólastarfs.  

Leitað er að framsýnum leiðtoga sem hefur brennandi áhuga á menntamálum, einlægan metnað fyrir velgengni nemenda og framgangi í námi auk vilja til að vinna að framsæknu skólastarfi með nemendum, starfsfólki, stjórn og nærsamfélagi. Aðstoðarskólameistari er leiðandi þegar kemur að nýtingu á tækni í skólastarfi, nýsköpun og þróun í kennslu og skipulagi náms.