VIÐ BJÓÐUM SPENNANDI FRAMTÍÐ!

Langar þig að taka þátt í að byggja upp og þróa orkuflutningskerfi framtíðarinnar? 

Við hjá Landsnet leitum að öflugum verkefnastjóra/-stýru framkvæmda til að slást í hópinn með frábæru teymi sem leiðir stór og krefjandi verkefni um land allt – frá hugmynd og hönnun til verklegrar framkvæmdar. 

Við leitum að einstaklingi með sterkan bakgrunn á rafmagnssviði sem hefur áhuga á að leiða framkvæmdir í flóknum og mikilvægum orkuframkvæmdum.

Hvað felst í starfinu?

Sem verkefnastjóri/-stýra framkvæmda færð þú að:

• Stýra fjölbreyttum verkefnum sem ná yfir allt ferlið – undirbúning, útboðshönnun, verksamninga, verklega framkvæmd og verklok.
• Samræma vinnu margra ólíkra aðila – sérfræðinga Landsnets, ráðgjafa, verktaka og annarra hagaðila.
• Tryggja skilvirka framvindu með góðu skipulagi, eftirfylgni og vönduðum verkferlum.
• Sjá til þess að gæði, öryggi og tímarammar haldist í verkefnum.
• Taka þátt í þróun og umbótum, bæði innan verkefna og í verklagi fyrirtækisins.
• Fá yfirsýn yfir uppbyggingu flutningskerfisins um land allt og vinna að framtíðarlausnum í orkuskiptum og sjálfbærni.