Laus er til umsóknar staða náms- og starfsráðgjafa við Hagaskóla skólaárið 2026–2027. Um er að ræða 100% stöðu. 

Náms- og starfsráðgjafi vinnur í öflugu teymi fagaðila í nemendaþjónustu skólans. Hagaskóli er safnskóli í Vesturbæ Reykjavíkur með rúmlega 600 nemendur í 8. – 10. bekk. Í Hagaskóla er lögð áhersla á jákvæðan skólabrag, fjölbreytta kennsluhætti, leiðsagnarnám, skapandi verkefni og innleiðingu á Menntastefnu Reykjavíkurborgar. Skólinn hefur tekið þátt í fjölbreyttum þróunarverkefnum á liðnum árum.

Umsóknum skal fylgja yfirlit yfir nám og fyrri störf og leyfisbréf sem náms- og starfsráðgjafi.