Lágafellsskóli leitar að áhugasömum umsjónarkennurum á yngsta og miðstigi
Má bjóða þér að taka þátt í metnaðarfullu skólastarfi?
Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum?
Lágafellsskóli í Mosfellsbæ er heildstæður grunnskóli sem vinnur í anda uppbyggingarstefnunnar.
Um er að ræða tímabundnar ráðningar til 31.07.2027 í 80-100% starfshlutfalli við umsjónarkennslu á yngsta stigi eða miðstigi. Ráðið er í stöðurnar frá 1.ágúst 2026.
Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.