Varmárskóli í Mosfellsbæ óskar eftir að ráða umsjónarkennara fyrir næsta skólaár

Í skólanum eru um 400 nemendur í 1.-6. bekk. Skólinn er Uppbyggingarskóli og verið er að innleiða Leiðsagnarnám. Þá er unnið með Byrjendalæsi í 1.-4.bekk og Læsi fyrir lífið í 5.-6.bekk.  Stutt er í fjölbreytta náttúru og lögð er áhersla á útikennslu. Í öllum árgöngum er mikið samstarf um nám og kennslu. Starfsmannahópurinn er öflugur, samvinna og samhjálp eru einkennandi fyrir samskipti innan hópsins og starfsandi hefur verið mjög góður. Okkur vantar umsjónarkennara sem eru tilbúnir til að takast á við þessi verkefni og verða partur af þessum góða samstarfshópi. Mögulegt starfshlutfall er á bilinu 80-100%.
 
Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.