Laus er til umsóknar 100% staða skólastjóra við Fellaskóla frá og með næsta skólaári, eða frá 1. ágúst 2026.

Þar sem fáar umsóknir hafa borist er umsóknarfrestur framlengdur til 6. apríl 2026.

Fellaskóli í Fellabæ er grunnskóli í þéttbýli við Egilsstaði. Í Fellaskóla er lögð er áhersla á að efla bókvit, verkvit og siðvit jöfnum höndum.

Í skólanum er nemendum skipt niður á þrjú stig; yngsta stig (1.–4. bekk), miðstig (5.–7. bekk) og unglingastig (8.–10. bekk). Á hverju stigi starfa kennarar og annað fagfólk saman í teymum. Starfsfólk er 27 talsins í mismunandi stöðugildum og nemendur um 82.

Leik - og grunnskólinn á Borgarfirði eystra er rekin sem sjálfstætt starfandi deild undir Fellaskóla. Nemendur grunnskólans á Borgarfirði eystra stunda að hluta til nám við Fellaskóla. Þar eru 5 starfskraftar í mismunandi stöðugildum og 11 nemendur samtals.

Við skipulag kennslu er horft til þess að nemendur eru á hverjum tíma mislangt komnir á mismunandi sviðum þroska. Nemendur hafa einnig mismunandi styrkleika, áhugasvið og getu. Námi og öðru starfi skólans er ætlað að stuðla að alhliða þroska nemandans út frá forsendum og hæfileikum hvers og eins. Skólastarfið miðast við að stuðla jafnt að tilfinningalegum og félagslegum þroska sem og vitsmunalegum.

Næsti yfirmaður skólastjóra er sviðsstjóri menntunar og lýðheilsu Múlaþings.