Vegagerðin leitar að framsæknum einstaklingi í fjölbreytt og krefjandi starf deildarstjóra þjónustudeildar á Norðursvæði. Deildarstjóri ber ábyrgð á stjórnun og rekstri deildarinnar og hefur yfirumsjón með þjónustustöðvum og verkstæði. Innan þjónustudeildar Norðursvæðis starfa um 40 starfsmenn á þjónustustöðvum á Hvammstanga, Sauðárkróki, Húsavík og Þórshöfn/Vopnafirði, auk þjónustustöðvar og vélaverkstæðis á svæðismiðstöð Norðursvæðis á Akureyri.