Viltu koma og starfa með okkur í kærleiksríku og metnaðarfullu skólastarfi, þar sem kærleikur og agi haldast hönd í hönd.

Við leitum að lífsglöðum og skapandi leikskólakennurum sem hafa áhuga á að iðka jafnrétti, sjálfbærni og lýðræði í skólastarfi.

Leikskólinn Gimli er með þjónustusamning við Reykjanesbæ og fagsamning við Hjallastefnuna. Skólinn vinnur eftir hugmyndafræði Hjallastefnunnar þar sem lögð er áhersla á einfalt og jákvætt starfsumhverfi, með vináttu,virðingu, kærleika og gleði að leiðarljósi.

Við leikskólann starfar samstillt og metnaðarfullt starfsfólk sem leggur áherslu á að skapa góðan starfsanda og mæta fjölbreytileika barnahópsins, þar sem stoðirnar þrjár - jafnrétti, lýðræði og sköpun eru hafðar að leiðarljósi.

Leikskólinn Gimli er lítill skóli með stórt hjarta.