Við í Kóraskóla leitum að skapandi og áhugasömum kennara til að slást í hópinn okkar og taka þátt í framsæknu skólastarfi út núverandi skólaár, með möguleika á áframhaldandi ráðningu næsta skólaár.

Starfið felst í kennslu náttúrufræði í öllum árgöngum skólans. Leitað er eftir kennara með sérhæfingu í kennslu náttúrufræðigreina.

Kóraskóli er við Vallakór í Kópavogi sem tók til starfa haustið 2023. Í skólanum eru um 280 nemendur í 8.- 10. árgangi og 35 starfsmenn. Í skólanum er lögð áhersla á skapandi og framsækið skólastarf og eru allir nemendur skólans með spjaldtölvur. Í námi og kennslu er rík áhersla lögð á einstaklingsmiðun náms, fjölbreytta kennsluhætti, leiðsagnarnám, verkefnamiðað nám, samþættingu námsgreina og teymiskennslu.