Viltu hjálpa fyrirtækjum að nýta tækni til að gera fjármál og ferla snjallari?

Hjá Expectus Finance vinnum við með fyrirtækjum að því að einfalda fjármála- og rekstrarferla, nýta fjárhagsgögn betur og innleiða tæknilausnir sem gera reksturinn skilvirkari.

Verkefnin okkar eru fjölbreytt, allt frá vinnslu og umbótum á bókhaldi og fjármálastjórnun yfir í sjálfvirknivæðingu ferla, innleiðingu nýrra kerfa og stærri umbreytingarverkefni innan fjármálasviða.

Expectus Finance er í miklum vexti og við erum að leita að öflugum ráðgjafa sem vill taka þátt í að móta hvernig fyrirtæki vinna með fjármál, ferla og tækni.

Við leitum að einstaklingi sem hefur bakgrunn í viðskiptafræði, verkfræði, hagfræði eða tengdum greinum, en umfram allt hefur brennandi áhuga á tækni, ferlum og því að finna betri leiðir til að leysa verkefni.