Við erum alltaf að leita að frábæru starfsfólki í umönnun.

Starfsfólk við umönnun á hjúkrunarheimili aðstoðar við fjölbreyttar athafnir daglegs lífs til að hámarka lífsgæði íbúanna, viðhalda sjálfstæði þeirra og vellíðan.

Meginhlutverk starfsins er þrenns konar: aðhlynning, samskipti og heimilisstörf þar sem gildi heimilanna eru höfð að leiðarljósi - Virðing - Vellíðan - Virkni.

Ef þú hefur áhuga á líflegum vinnustað og gefandi starfi í umönnun þá hvetjum við öll áhugasöm til að sækja um hjá Skjóli hjúkrunarheimili.

Skilyrði er að viðkomandi hafi náð 18 ára aldri og hafi færni í íslensku (B1).

Um vaktavinnu er að ræða en starfshlutfall er samkomulag. Greitt er skv. kjarasamningi Eflingar og Samtaka fyrirtækja í velferðarþjónustu.

Áhugasamir eru hvattir til að sækja um sem fyrst þar sem ráðið er í störfin jafnóðum.