Grundarheimilin óska eftir að ráða metnaðarfullan og ábyrgan lækni til starfa. Starfið felur í sér læknisþjónustu við íbúa á heimilunum Grund, Mörk og Ás.

Starfið er fyrst og fremst unnið á dagvinnutíma, en lækni stendur einnig til boða að taka gæsluvaktir eftir nánara samkomulagi. Í boði er bæði hluta- og fullt starf og er starfshlutfall samkomulagsatriði.

Grundarheimilin eru fjölbreyttur og lifandi vinnustaður þar sem starfa um 700 manns. Lögð er áhersla á góðan starfsanda, faglegt samstarf og hvetjandi starfsumhverfi. Um er að ræða fjölbreytt og krefjandi starf í þverfaglegu teymi heilbrigðisstarfsfólks, þar sem vönduð þjónusta og fagmennska eru í forgrunni.

Helstu verkefni og ábyrgð 

• Læknisumsjón íbúa. 
• Mat, greining, meðferð og eftirlit sjúkdóma. 
• Lyfjarýni og endurskoðun lyfjameðferðar. 
• Yfirferð rannsóknarniðurstaðna og eftirfylgd. 
• Samstarf við aðstandendur og þátttaka í fjölskyldufundum eftir þörfum. 
• Þátttaka í teymisfundum og þróun starfseminnar. 
• Möguleg þátttaka í gæsluvöktum.

Menntunar- og hæfniskröfur

• Íslenskt lækningaleyfi.
•  Sérfræðimenntun er kostur.
•  Góð íslenskukunnátta.
•  Hæfni til að starfa sjálfstætt og sýna frumkvæði.
•  Góðir samskiptahæfileikar og hæfni til teymisvinnu.
•  Faglegur metnaður og ábyrgð í starfi.

Starfað er eftir Eden hugmyndafræðinni, þar sem lögð er áhersla á lífsgæði, virðingu og einstaklingsmiðaða umönnun.

Frekari upplýsingar

Laun eru samkvæmt gildandi kjarasamningi.

Starfshlutfall og ráðningarform er samkomulagsatriði. 

Nánari upplýsingar veitir:

Bjarki Steinn, yfirlæknir

bjarki@grund.is