Vinnuskólinn í Sveitarfélaginu Vogum auglýsir eftir öflugum og jákvæðum flokkstjórum í Vinnuskólann fyrir sumarið 2026.

Vinnuskóli sveitarfélagsins starfar frá maí til ágúst ár hvert. Þar gefst ungmennum kostur á að vinna við fjölbreytt störf. Sem flokkstjóri ertu leiðbeinandi, fyrirmynd og drifkraftur hóps ungmenna. Þú kennir þeim undirstöðuatriði garðyrkjustarfa, skipuleggur verkefni, hvetur til góðrar samvinnu og heldur utan um mætingar og ástundun. Meginmarkmiðið er að skapa jákvæða upplifun þar sem þjálfun, fræðsla og góð líðan eru i forgrunni. 

Flokkstjórar starfa undir verkstjórn verkstjóra vinnuskóla.