Rawanq Al Salam International auglýsir eftir öflugum og faglegum vélstjóra til starfa á einum af sjö uppsjávarfrystitogurum félagsins. Um er að ræða ábyrgðar- og lykilstöðu í rekstri skipsins þar sem reynsla, frumkvæði og fagmennska skipta sköpum.

Helstu verkefni og ábyrgð fela í sér stjórnun viðhalds og daglegs rekstrar vélarrýmis, umsjón með viðhaldi og viðgerðum véla og annars tæknibúnaðar um borð, auk skipulagningar og framkvæmdar fyrirbyggjandi viðhalds með áherslu á rekstraröryggi og öryggi áhafnar. Viðkomandi tekur jafnframt þátt í þróun, uppbyggingu og innleiðingu nýrra tæknilausna og sinnir öðrum tilfallandi verkefnum sem tengjast rekstri skipsins.

Við leitum að vélstjóra með víðtæka þekkingu og haldgóða reynslu af sambærilegum störfum. Mikilvægt er að viðkomandi búi yfir skipulagshæfni, sjálfstæði í vinnubrögðum og metnaði fyrir öruggum og skilvirkum rekstri. Jafnframt leitum við að einstaklingi sem hefur ævintýraþrá og áhuga á að takast á við nýjar áskoranir og starfa í alþjóðlegu umhverfi.

Unnið er í 50 til 60 daga í senn með sambærilegu fríi á milli túra. Í boði eru samkeppnishæf laun sem eru samningsatriði, ásamt starfi hjá traustu og vaxandi alþjóðlegu fyrirtæki.