Við auglýsum eftir hjúkrunarfræðingi á göngudeild ofnæmislækninga á A3 í Fossvogi. Við tökum vel á móti nýju starfsfólki og veitum góða einstaklingshæfða aðlögun með reyndum hjúkrunarfræðingi. Á einingunni er mjög góð samvinna og teymisvinna með sérfræðilæknum. Á göngudeild ofnæmislækninga á A3 í Fossvogi fer fram greining og sérhæfð meðferð ofnæmis- og lungnasjúkdóma svo sem ofnæmishúðpróf, fæðuþolpróf, afnæmingarmeðferðir og líftæknilyfjameðferð við erfiðum astma. Starfið krefst sjálfstæðis og nákvæmni. Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.