Laust er til umsóknar fullt starf doktorsnema við Iðnaðarverkfræði-, vélaverkfræði- og tölvunarfræðideild Háskóla Íslands. Doktorsverkefnið er á sviði stjórnskipulags og stýringar nýsköpunar (innovation governance) og fjallar um ábyrga innleiðingu og notkun gervigreindar í opinberri stjórnsýslu. Verkefnið er styrkt af NordForsk sem hluti af verkefninu RAISE Monitor Hub og unnið í samvinnu við rannsakendur í Noregi, Svíþjóð og Finnlandi.