Við á sýkingavarnadeild leitum að metnaðarfullum hjúkrunarfræðingi til starfa. Um er að ræða spennandi starf í öflugu og samheldnu teymi þar sem ríkir góður starfsandi. Starfið er laust frá 1. september 2026 eða eftir nánara samkomulagi. Starfshlutfall er 80¿100% og unnið er í dagvinnu.

Hlutverk sýkingavarnadeildar er að veita forystu, leiðsögn og umgjörð um sýkingavarnir í samvinnu við starfseiningar spítalans og stuðla þannig að öruggu umhverfi fyrir sjúklinga og starfsfólk. Starf hjúkrunarfræðings í sýkingavörnum er fjölbreytt og varðar allar starfseiningar sjúkrahússins. Góð aðlögun og starfsþjálfun er í boði og m.a. er gert ráð fyrir að viðkomandi sæki námskeið í sýkla- og veirufræði við Læknadeild Heilbrigðisvísindasviðs Háskóla Íslands.