Steypustöðin leitar að sterkum tæknisnillingi í starf Verkefnastjóra gagnavöruhúss og gagnagreininga.
Starfið heyrir undir fjármálasvið og mun viðkomandi vinna náið með framkvæmdastjóra fjármálasviðs. Við leitum að aðila með víðtæka reynslu af gagnahönnun og BI-lausnum sem styðja fjármálarekstur. Í starfinu munt þú byggja upp gagnalíkön, sjálfvirkt gagnaflæði og skýr mælaborð, ásamt því að leiða forgangsröðun gagna- og greiningarverkefna með áherslu á gæði og hagkvæmni. Forritunarreynsla er mikilvæg (t.d. SQL/Power BI/Python). Verkefnin eru fjölbreytt og krefjandi; því þarf viðkomandi að vera lausnamiðaður, sýna frumkvæði og búa yfir sterkri greiningarhæfni og góðum fjárhagslegum skilningi. Um framtíðarstarf er að ræða.

Við hvetjum öll kyn og þjóðerni til að sækja um.