Sjálandsskóli óskar eftir að ráða umsjónarkennara á yngsta stig í fullt starf frá 1. ágúst 2026.

Sjálandsskóli er heildstæður grunnskóli fyrir nemendur í 1.-10. bekk og er staðsettur í Garðabæ. Í skólanum eru rúmlega 280 nemendur. Í Sjálandsskóla ríkir góður starfsandi þar sem allir starfsmenn vinna saman að því að byggja upp fjölbreytt og skapandi skólastarf með áherslu á útinám. Aðstaða starfsfólks og nemenda er til fyrirmyndar. Leitað er eftir einstaklingi sem hefur áhuga á að starfa í umhverfi sem leggur áherslu á sveigjanlegt skólastarf samkvæmt skólastefnu Sjálandsskóla og menntastefnu Garðabæjar.