Býrð þú yfir ríkri þjónustulund, samskiptahæfni og frumkvæði? Garðabær auglýsir eftir þjónustufulltrúa í fullt starf við bæjarskrifstofur Garðabæjar í Ráðhúsi bæjarins.

Þjónustufulltrúinn er hluti af þjónustuveri bæjarins sem er fyrsti snertiflötur við öll svið bæjarins þar sem ávallt er leitast við að leysa úr erindum íbúa og viðskiptavina. Þjónustuverið tilheyrir þjónustu- og þróunarsviði sem er stoðsvið annarra sviða. Þjónustufulltrúinn sinnir upplýsingagjöf og þjónustu við gesti, almennri símsvörun, skráningu gagna og móttöku fyrir öll svið bæjarins. Leitað er að einstaklingi með ríka þjónustulund, góða samskiptahæfni sem sýnir frumkvæði og yfirvegun í annasömu umhverfi. Umsækjandi þarf einnig að hafa áhuga á starfsemi sveitarfélaga, vera tilbúinn að tileinka sér nýjungar og taka að sér fjölbreytt verkefni.