Laust er til umsóknar starf sérfræðilæknis við háls-, nef- og eyrnarlækningar á skurðlækninga-, skurðstofu- og gjörgæsluþjónustu Landspítala. Starfshlutfall er 100% og veitist starfið frá 1. september 2026 eða eftir nánara samkomulagi. Leitað er eftir jákvæðum og metnaðarfullum sérfræðilækni með viðbótarþekkingu í krabbameinsskurðlækningum höfuðs og háls til að annast sérhæfða meðferð og eftirfylgd.

Við háls-, nef og eyrnalækningar starfa um 15 sérfræðilæknar í öflugum þverfaglegum teymum og í nánu samstarfi við aðrar fagstéttir spítalans. Sérgreinin býður upp á líflegt og krefjandi starfsumhverfi og mikil tækifæri til starfsþróunar. Áhersla er lögð á góða þjónustu, virka teymisvinnu og stöðugar umbætur í þágu sjúklinga. Við tökum vel á móti nýju starfsfólki og veitum góða aðlögun.