Heimahjúkrun í Vesturmiðstöð leitar að sjúkraliðanemum og hjúkrunarnemum til starfa sumarið 2026. Um er að ræða vaktavinnu, dag-, kvöld- og helgarvaktir og er starfshlutfall samkomulag.

Hjá Reykjavíkurborg leggjum við áherslu á faglegt bakland, góða leiðsögn og tækifæri til þess að vaxa í starfi þar sem þú ert hluti af samhentu og öflugu teymi. Starfið býður upp á tækifæri til þess að efla þína hæfni og faglega sýn í daglegu starfi.

Dagarnir eru ólíkir og innihaldsríkir þar sem þú ert á ferð um borgina. Þú kynnist fjölbreyttum hópum íbúa og upplifir hversu mikilvæg þín nærvera og þjónusta skiptir máli fyrir daglegt líf íbúa.