Íbúðakjarninn að Laugavegi 105 óskar eftir að ráða öfluga stuðningsfulltrúa í sumarafleysingu. Fjölbreytt starf með skemmtilegu fólki.

Markmið starfseminnar er að veita einstaklingum með fjölþættan vanda stuðning við sjálfstæða búsetu. Starfsemin byggir á stefnu Reykjavíkurborgar um einstaklingsmiðaða þjónustu við fatlað fólk á heimilum sínum. Unnið er eftir aðferðum Þjónandi leiðsagnar, hugmyndafræðinni um sjálfstætt líf og valdeflingu. Þjónustan miðast við að auka sjálfstæði, efla færni og lífsgæði notenda.

Leitast er eftir að skapa jákvætt og heilsueflandi starfsmannaumhverfi sem skilar sér í þjónustu við íbúa. Tekið er vel á móti nýju starfsfólki.

Á Laugavegi 105 er veitt sólarhringsþjónusta og um er að ræða vaktavinnu, dag-, kvöld- nætur og helgarvaktir. Viðkomandi þarf að geta unnið allar tegundir af vöktum. Starfshlutfall er 80-100% eða eftir nánara samkomulagi.